Поиск

Дезац сона…


Запись передачи "Телевизионная гостиная" Чечено-Ингушского ТВ, г.Грозный 1978 год

Дезац сона Ӏоажал кхачар, шийла,
Вахаро со цӀаккха кӀаьдваьвац,
Шера ханаш — сов хоза уж хийла —
Иллеш аз ца оале, эшаш яц.

Везац вахар, дега йӀовхал йоацаш,
Бакъда, тешац шокъ тӀаеначох,
Иштта — сога дена каьхат дешаш,
Балама тӀагӀолла хьежачох.

Дезац хӀама, ше ах мара доацар,
Дезац — къамаьл юккъе соцадар,
Дезац топ букъ тӀехьашкара тохар,
Дезац иштта — тохар духьалар.

Дезац «ер хургдий-хьогӀ?» яха йоахар,
Шекон нӀаний, гӀорвалара хаьшк,
Кулг дац дезаш, тхана духьал хьекхар,
Кизга Ӏоакъах хьекхаш дола аьшк.

Дезац массаз кер хьалбиза хилар,
Тормозаш дӀаяларах со хьог,
Новкъа да «сий» яха дош дӀадалар,
Доацар дувцаш эттӀадар са дог.

Кагдаь ткъамаш цӀаьхха бӀаргадайча,
Къахетам хилац са дег чу цкъа.
Дезац сона низ бар, низ ца хилча,
Алхха, Ӏийса-пайхмарах хет къа.

Се гоама ва, дег чу кхерам отте,
Бехк боацачоа етте, хала хетт,
Дезац саг сай син чу вала гӀерте,
Цхьаволчо-м тугаш а цу чу дет.

Манежаш, аренаш езац сона,
Мильон цига, хийца, доадергда.
Доаккха хувцамаш хуле а вайна,
Сонна массаз гоама из хургда.

© 2014. Перевод Рамзан Цуров.

ghalgha.livejournal.com

Добавить комментарий